Շուտով
Շուտով իմ հանդիսատեսին կներկայացնեմ իմ նոր տեսահոլովակը՝ նկարահանված ՞Իմ փոքրիկ Հայաստան՞ երգի հիման վրա: Երկար ժամանակ էր, ինչ ուզում էի երգել Հայաստանի մասին մի այնպիսի երգ,որն ամբողջությամբ կարտահայտեր իմ հույզերը,ապրումներն ու զգացմունքները: Եվ ահա 2014-ի սկզբին հերթական անակնկալը մատուցեց ինձ իմ երաժշտական պրոդյուսերը՝ Էդգար Ալեքսանյանը:Նա ստեղծեց մի այնպիսի երաժշտություն և խոսքեր,որն անհնար էր լսել առանց խորը զգացմունքներ ապրելու:Դա հենց այն երգն էր,որին ես սպասում էի…Երկար մտորումներից հետո որոշեցինք այն հանդիսատեսին ներկայացնել տեսահոլովակի տեսքով:Իմ բոլոր տեսահոլովակների ռեժիսոր Արտյոմ Հարությունյանը տեսահոլովակը վերածեց մի փոքրիկ ֆիլմի՝ անչափ հուզիչ ու հայրենասիրական: Տեսահոլովակի հիմնական մասը նկարահանվեց Դիլիջանում 1,5 օրվա ընթանցքում:Նկարահանվեցին պրոֆեսիոնալ դերասաններ Ռուբեն Կարապետյանը,Աշոտ Տեր-Մաթևոսյանը,Օֆելյա Զաքարյանը և Լորանդ Դեմիրճյանը: Ուզում եմ ուրախությամբ նշել,որ տեսահոլովակում ես կրել եմ իմ մայրիկի մանկական զգեստները,որոնք խնամքով պահել էր իմ տատիկը:
Հուսով եմ՝երգս կհասնի իմ հանդիսատեսի սրտին և կլինի ԿՈՉ ողջ հայության համար…
Սիրով ձեր Լիդուշիկ
