2012թ.-ին Երևանում տեղի ունեցավ իմ առաջին CD–ի՝ Փոքրերի աշխարհի շնորհանդեսը, որն անչափ կարևոր ու հիշարժան օր դարձավ ինձ համար, ինչի համար առաջին հերթին շնորհակալ եմ իմ հանդիսատեսից: Ահա մի քանի տարի անց` 2015թ-ին, Երեխաների պաշտպանության օրվան ընդառաջ, սիրով ուզում եմ ներկայացնել իմ երկրորդ ձայնասկավառակը` “Իմ փոքրիկ Հայաստան”-ը: Սակայն այս անգամ ձայնասկավառակը առաջինը կներկայացնեմ ամերիկաբնակ մեր հայրենակիցներին մայիսի 23-ին, Գլենդելի Ալեքս թատրոնում կայանալիք իմ մենահամերգին, որից հետո արդեն հայաստանյան հանդիսատեսին: Հաշվի առնելով բազմաթիվ մանուկների ու նրանց ծնողների խնդրանքները՝ CD-ում բացի իմ 9 երգերից, ներկայացված են նաև նախորդ ալբոմից 3 երգերի կարաոկե տարբերակները: Ձայնասկավառակի ստեղծման համար ուզում եմ շնորհակալություն հայտնել իմ երաժշտական պրոդյուսերին՝ Էդգար Ալեքսանյանին, իմ բոլոր երգերի հեղինակներին, ինչպես նաև Արամ Նիկոլյանին, Դավիթ Ներսիսյանին և Արտյոմ Հարությունյանին: Հատուկ շնորհակալություն “KING GARDEN” մանկական ժամանցի կենտրոնին: